Melting Moment 絲滑卸妝膏 90g

尋尋覓覓終於搵到一款令我滿意的卸妝膏！

用了大半個月時間徹底地試清楚，終於過到我呢關後，真係超興奮！馬上落單急不及待要分享俾大家！🥳😘

想搵卸妝膏的原因：
1️⃣眼影的閃粉用水油卸妝都好難一次過就卸乾淨，經常留有閃粉，眼尾見到會好閃閃到以為自己有青光眼😂

2️⃣用卸妝水／水油卸眼唇係卸妝的過程中，好容易整傷眼周的皮膚或其他地方🥲我已無數次試過因此而令眼角過敏，第2日無法上眼妝

3️⃣去旅行時只帶卸妝膏，比起要拎卸妝水＋卸妝棉方便！

至於我試了接近一年唔同的卸妝膏，

過去都無一款令我心動到，或成功過到我敏感皮膚呢一關的原因：

① 8成樣本係試嘅過程中，試上手就冇事，一試上臉就發紅😐係秒紅果種😐嚴重d嘅更加會發熱🥲

②有部份就洗乾淨後10分鐘內都係發紅...

③有部份就冇過敏，但都係卸唔乾淨眼妝閃粉😮‍💨

曾經令我一度以為我本身對卸妝膏某種必要的成份過敏🥲

估唔到今次係朋友的極力推薦下再鼓起勇氣試埋呢款！

又俾我試到終於令我心動的卸妝膏！💓

馬上引入俾大家開心share！🥰

#MeltingMoment絲滑卸妝膏 值得敏感肌人士入手！

1/ 成功卸走眼妝閃粉
我的妝容都係偏日系所以眼妝會用好多閃粉🙈
用呢款卸妝膏時，我只取了around 一個$5硬幣咁上下大細都已可卸晒全妝，包括mascara！

我用的只係普通冇防水的mascara，以及我冇畫眼線的～

如果平時有用開強力防水防汗的mascara及眼線，就可能要重覆卸多一次喇

2/ 無過敏仲白淨左！

最大的功臣係：葡萄籽油和沒藥醇～ 2款都可鎮靜舒緩肌膚！

甚至如果當面膜用，可以做到更提亮的效果！

3/ 無水配方可使膏狀變油狀後更易帶走殘餘化妝品

依家無水的護膚品都越黎越受歡迎！

4/ 味道清香～ 由柑橘、香橙、依蘭依蘭、柚子和香草等天然微妙的柑橘香味調製而成！

5/ 油性肌都用到架！！
呢款卸妝膏有助減少油性肌膚的皮脂分泌、疏通毛孔，以減少黑頭的出現，所以都適合油性及敏感肌！

注意：因為我眼妝不會化太重，所以用呢款卸妝膏係卸得乾淨冇問題～ 或者重覆用2次去洗臉卸妝就更確保到卸得乾淨晒

(我只搽普通非防水的masacra、同眼影，沒有畫眼線)

如平時眼妝重妝或用防水眼妝產品嘅話，建議都係用專屬的眼唇卸妝產品喔🙌🏻

『使用方法』

卸妝清潔 - 以乾手拿取適量並於掌心加熱，輕柔按摩臉部肌膚時好像做SPA一般，產品會從膏狀轉化成油後被肌膚吸收後可卸除殘妝與日常髒污。加入溫水後再次輕柔按摩臉部肌膚以作為潔面乳。之後用溫熱的濕面巾沖洗乾淨。  

面膜 - 亦可每週使用作為深層滋養面膜:每週一次或兩次，每次敷10分鐘後清洗乾淨。