Mdear 3D 神經酰胺高級面膜（1盒5片)

Everybody! Plz save your money for this amazing mask!

無論係退紅舒緩的功效、功效持久度、面膜紙的剪裁貼臉度、舒服度、方便度都超正🥹😍

完全值得擁有！❤️『 MDear 3D 神經酰胺高級面膜』

逐一同大家分享呢款3D面膜如何擄獲我的心～

❶ 功效超卓！試面膜最直觀的功效一定係睇佢的退紅功效

要大讚呢款面膜嘅退紅能力好持久！

平時好多退紅面膜都係屬於急救型，

可以做到好好嘅即時退紅舒緩效果，但未必keep得耐

可能隔一兩個鐘就要再濕敷過～ 屬於急救型嘅產品

但呢款Mdear 3D面膜係好易keep住退紅效果一整日!

呢方面係好impress到我!

因為作為非常資深嘅玫瑰痤瘡及濕疹病患嘅本人，

我每次試新品都一定選擇朝早試，

慎防Touch Wood一個唔該，有接觸性過敏，自己都救唔到嘅話

都仲可以即刻撲去睇醫生😬

所以我今次試呢款3D面膜嘅時候都係朝早試，

佢即時退紅效果，其實我已經好滿意～ 

去到夜晚期間我都有照常工作

（通常我做嘢會壓力大都容易面紅）

但當晚收工沖涼嘅時候發現，皮膚都仲好白淨喎！！

係我未試過嘅體驗～ 當日我只係用咗呢篇面膜上臉

（都係因為我試野好穩陣，如果係試用新野，當日我只會用嗰款產品，以免過敏嘅話搵唔到罪魁禍首）

淨係呢個 #退紅持久力 嘅功效，已經促使我一定一定一定要入呢款返嚟!

因為我自己都好需要~

之後留意番佢嘅成份表發現有 #甘草酸二鉀 仲要排第九位

濃度相當高～對於正處於泛紅、發燙、刺痛的敏感肌或術後肌膚，

能起到立竿見影的舒緩鎮靜作用！

當然除咗退紅之外，我覺得其他方面功效都唔錯:

■ 退紅持久力 ：敷一片已經可以感受到

■ 強化皮膚屏障：可以減少泛紅 （甘草酸二鉀 及 神經酰胺 起到好大作用）

■ 極佳保濕性：本身鞋濕濕嘅面頰位都光滑返

❷ 正如上面都有提及少少，佢嘅成份非常出色！

Mdear 出品老規矩：無酒精、無香料、無paraben

有神經酰胺！有神經酰胺！有神經酰胺！

follow 開我嘅人都知道我有幾愛呢個成份！🙈

易泛紅/濕疹/玫瑰痤瘡嘅人都必需認住的成份！

仲有其他對抗敏好好的成份：

💦「多重分子量」的滲透策略💦

《雙重神經酰胺》:

神經醯胺 NP(Ceramide NP) 同葡萄糖苷神經醯胺 (Glucosylceramide) 互相配合，

深入角質層細胞間隙，

修補因為乾燥或醫美療程受損的「磚牆結構」

強化皮膚屏障並減少水分流失💦

《 三重膠原蛋白 + 三重玻尿酸》：

完美展示了「大分子留係皮膚表皮鎖水、小分子滲透肌底補水、乙醯化/琥珀酰負責親膚貼合」的補水體制，皮膚可以從內到外瞬間滋潤～

🌟黃金修護矩陣：三大保濕強強聯手🌟👇🏻

《水前寺藍藻多糖 (Sacran)》：

佢嘅吸水能力係玻尿酸嘅 5 倍！！

可以喺皮膚表面形成一層無負擔嘅「高分子鎖水防護網」，阻斷水分蒸發

《水溶性蛋白聚醣 (Proteoglycan)：》

呢款係一種昂貴嘅抗老修護成份，

類似 EGF（表皮細胞生長因子）嘅活性，

好易刺激透明質酸和膠原蛋白自生，

非常適合醫美（雷射、微針）後受損肌膚的細胞再生～

所以喺日本好多醫美診所都有配合呢款面膜使用

除咗可以術後修復，仲可以將醫美效果Level up

《聚季銨鹽-51 (Lipidure)》： 

呢個成份真係要特別提，佢係幫助到功效持久力嘅重要一個成份！

佢係仿生物細胞膜結構，即使敷完面膜洗臉後，

仲可以將水份鎖死喺皮膚角質層，提供持久的保濕力！

我話功效好易keep一日嘅功臣有佢份！

💛抗發炎退紅的大功臣 💛

《甘草酸二鉀》：

正如上面都提及過: 佢係對於正處於泛紅、發燙、刺痛的敏感肌或術後肌膚，能起到即時的舒緩鎮靜作用! 仲耍係排喺成份表第 9 位，濃度相當高! 真材實料㗎！

《葡萄糖苷橙皮苷》 ：

幫手加速退紅，並改善熬夜後的暗沉臉色～

❸ 面膜紙採用生產全球唯一的高性能銅氨纖維連續長纖維不織布「Bemliese®」

係日本化學巨頭旭化成（AsahiKASEI）獨家研發

並擁有全球專利的世界唯一高科技不織布！😍

完全不使用任何化學黏合劑因

極致親膚同埋低刺激～

有超強吸收與釋放力（吸收力達自重13倍）

唔怪之得我只係敷一次已經好中意佢個面膜質地！

日本人嘅職人精神，係連面膜紙都幫你設計到最適合！

真正裡裡外外都 made in japan 的面膜！

呢款面膜出現得非常合時！

正因為多款面膜停產焦慮中，依家有呢款3D面膜就唔怕喇！

好用到想日日敷😍❤️

超級推薦俾以下的膚質：

① 易泛紅的敏感肌 ②濕疹肌 ③玫瑰痤瘡 ④醫美術後